Чанаккаледе ағылшын кемесінің қалдығы табылды

Чанаккаледе суға сүңгу туризміне ашылған Галлиполи Тарихи су асты саябағы жаңа табыстармен дамып келеді.

150 шаршы шақырым аумақта құрылған «Бірінші Дүниежүзілік соғыс» тақырыбындағы тұңғыш су асты саябағында жүргізілген жұмыстар кезінде суға батып кеткен 3 ағылшын кемесінің бірі табылды.

1915 жылы Дарданелл соғысы кезінде логистикалық мақсатта пайдаланылған ағылшын көлік кемесі "HMS Hythe" Ежеабат ауданы Седдулбахир ауылынан 6 миль қашықтықта 70 метр тереңдікте табылды.

Түрік зеңбірегінің оқынан қашып келе жатып басқа бір кемемен соқтығысқан 60 метрлік көлік кемесінің қалдығы бір ғасырдан кейін анықталды.

Батып кеткен кеме біраз уақыттан кейін сүңгу үшін ашылады.

Тарихи жазбаларда тіркелген біреуі жойғыш және біреуі ағылшындарға тиесілі логистикалық кеменің қалдықтарын іздеу жұмыстары жалғасуда.