SpaceX ғарышқа 3 іскер туристті жіберді

Американдық ғарыштық кемесі және зымыран өндіруші компаниясы SpaceX Халықаралық ғарыш станциясына (ХҒС) әрқайсысы 55 миллион доллар төлеген 3 іскер турист жіберді.

SpaceX американдық, канадалық және израильдік 3 іскер мен АҚШ-тың Аэронавтика және ғарыш кеңістігін зерттеу жөніндегі ұлттық басқармасының (НАСА) бұрынғы ғарышкері Майкл Лопес-Алегрияны бір аптадан астам уақыт алатын ғарыш сапары үшін жер орбитасына ұшырды.

Флоридадағы Канаверал мүйісінен ХҒС сапарына қатысқан Ларри Коннор, Марк Пати және Эйтан Стиббе атты іскерлер SpaceX-тің екі жыл бойы НАСА ғарышкерлерін тасымалдауының артынан ғарыш станциясына апарған алғаш арнайы жолаушылары болды.

ХҒС-тың туристік келушілерінің зымыранмен жүру, қону және барлық тамақтану үшін адам басына шаққанда 55 миллион доллар төлейтіні және ғарыш стансасының Ресейге тиесілі бөлімінен басқа барлық аумақты аралай алатыны білдірілді.

Өткен жылы бір миллиардер мен оның қонақтарын үш күндік бір орбиталық сапарға шығарған SpaceX-тің екінші рет ұйымдастырған арнайы ғарыштық сапарында 4 жолаушыны автоматты капсуласы арқылы 19 сәуірде қайтаруды жоспарлағаны хабарланды.