Мессиден тарихи шешім

Лионель Месси енді PSG командасында.

21 жыл бойы өзі ойнаған Барселонадан Ла Лиганың қаржылай шешімдеріне байланысты кеткен Лионель Месси «Пари Сен-Жермен» командасымен 2+1 жылдық келісімге келді.

«Команда және жаттықтырушыларының қаншалықты қабілетті екенін білемін. «Parc des Princes» стадионында көгалға шығуға асығамын» деді ол.

Барселонадан кеткеннен кейін Мессиге көптеген командадан ұсыныс келді.  Ол жаттықтырушы Почеттино басқарған «Пари Сен-Жермен» командасын таңдады. Оның Парижде мыңдаған жанкүйер қарсы алды. 34 жасар футболшы медициналық бақылаудан кейін келісімге қол қойды.

Ол осы командада 30 нөмірімен ойнайтын болды.