Атақты актриса таққан бас орамалды шешкізді

Американдық атақты актриса Линдси Лохан басына таққан орамал себепті Ұлыбританияның бас қаласы Лондондағы Хитроу әуежайында кемсітушілікке ұшырағанын мәлімдеді.

ITV телеарнасында жарияланған бағдарламада сұрақтарға жауап қайтарған Лохан әуежайында Нью-Йорк ұшағына өтіп бара жатқанда, бір қызметкер өзінен бас орамалын шешуін талап еткенін атап айтты.

Тұңғыш рет кемсітушілік әрекетіне дөп келгенін түсіндірген Линдси Лохан «Әйел қызметкер бас орамалымды шешуімді сұрады, шештім. Мен үшін мәселе емес. Бірақ бас орамалын шешкені үшін мазасызданатын әйелдердің жағдайын ойлаған кезде қорықтым» Бұл оқиға мені алаңдатты» деді.

Атақты ойыншы өзін тоқтатқан қызметкердің паспортта «Линдси Лохан» деп жазғанын байқаған соң өзінен кешірім сұрағанын да атап айтты.

Лохан мұсылман дінін қабылдап, қабылдамағаны жайлы бір сұраққа қайтарған жауабында «Әлі толық қанағаттанбаған бір тақырып туралы сөйлегім келмейді. Бұл дұрыс емес. Бірақ назарға алғаным бір тақырып екенін айтуым келеді» деді.

Исламға қызығушылық танытқанын атап көрсеткен Линдси Лохан Құранды егжей-тегжейлі қарап шыққанын атап, «Тек қана Құран емес, басқа діндердің де діні мәтіндерін оқу мені жұбатады» деді.

Лохан өткен айдың ішінде Анкарада президент Режеп Тайып Ердоған тарапынан қабылданған болатын.