Жас палуандар әлем чемпионатына дайындалып жатыр

Бүкіләлемдік жастар күрес чемпионатына қатысатын ұлттық құрама Анкарада жаттығуларын жалғастыруда.

Чемпионатқа дайындалған Еркін күрестен жастар құрамасы 6 тамыз күніне дейін бас қалада жаттығады.

Бразилияның Салвадор Да Баия қаласында 11-16 тамыз күндері аралығында болатын чемпионатқа Түркия атынан палуандар Бекир Шахин /50 келі/, Сезгин Пишмишоғлу /55 келі/, Селим Козан /60келі/, Энес Услу /66келі/, Ахмет Ертүрік /74келі/, Мұстафа Сессиз /84келі/, Айкут Ышык /96келі/, Юнус Эмре Деде /120келі/ қатысады.

Бапкер Элван Мерт өткен жылғы әлемдік чемпионатта алтын медаль ала алмағандарын еске салып, биыл Бразилияда екі немесе үш ақтық сайысқа шығатындарын айтты. Мерт «Әлем чемпионатында өткен жылы 4 медаль алдық, бірақ бұлардың арасында алтын медаль жоқ. Осы чемпионатта алтын медаль алуды жоспарлап отырмыз» деді.