Украина Ресейге шабуылдады

Белгород губернаторы Вячеслав Гладков әлеуметтік желідегі аккаунтынан жасаған мәлімдемесінде Украина Қарулы күштерінің 23 наурыз күні таңғы сағат 07:00-ден 24 наурыз күні таңғы сағат 07:00-ге дейінгі аралықта жасаған шабуылдарында бір адамның қаза тауып, 7 адамның жараланғанын атап көрсетті.

Шабуыл салдарынан қалаға материалдық шығын келгеніне назар аударған Гладков «Шабуылда 214 пәтер, 32 көпқабатты үй, 34 жеке тұрғын үй, 1 қойма, 3 әлеуметтік нысан, 9 сауда нысаны және 40 көлікке зиян келді» деді.

Гладков кешке қарай Ресей әуе қорғаныс жүйелерінің Белгород облысы үстінде 22 украиндық әуе нысанын атып түсіргенін, шабуылда 4 адамның жараланғанын айтты.

Ресей Қорғаныс министрлігі болса Мәскеу уақыты бойынша сағат 17.50 шамасында Украина армиясының «RM-70 Vampire» көп ұңғылы зымыран тасығыш жүйесімен Ресей аумағына шабуыл жасалғанын мәлімдеді.

Мәлімдемеде «Белгород аймағындағы 22 зымыран әуе қорғаныс жүйелерімен жойылды» делінді.