Заңсыз жаңа еврей қонысын құруды жоспарлап отыр
Заңсыз қоныстың Шығыс Иерусалимнің оңтүстігінде салынатыны атап көрсетілді.
Газа секторында шабуылдарын жалғастырған Израиль басып алынған Шығыс Иерусалимде жаңа заңсыз еврей қонысын құруды жоспарлап отыр.
«Haaretz» газетіндегі хабарда Израильдің Шығыс Иерусалимде «Нофей Рахел» атты заңсыз елді мекен құруды жоспарлағаны атап өтілді.
Хабарда 650 тұрғын үйден тұратын заңсыз қоныстың Шығыс Иерусалимнің оңтүстігінде орналасқан және палестиналықтар тұратын Умм Туба қаласына жақын жерде салынатыны атап көрсетілді.
Сонымен бірге Израильдің Газаға шабуылдары басталған 7 қазаннан бері басып алынған Шығыс Иерусалимдегі заңсыз қоныстардың Израиль билігінен «ерекше жылдам рұқсат алғаны» білдірілді.
Израиль үкіметтік емес ұйым “Ир Амим” бұдан бұрын Тель-Авив әкімшілігінің Шығыс Иерусалимде 1839 үй құрылысы үшін 25 желтоқсан күні үш тендер ашқанын хабарлаған болатын.
Осыған сәйкес Иерусалимдегі Скопус тауында 500 үй, қаланың солтүстігіндегі Француз төбесінде 1039 үй және оңтүстіктегі заңсыз Шығыс Талпиот еврей қонысында 300 үй салынады деп айтылды.
Израиль 1967 жылы басып алған Шығыс Иерусалимдегі үстемдігі және ол жерде салған еврей қалашықтары халықаралық құқық бойынша заңсыз деп саналады.
