Израиль армиясы Ливанға қарсы соғысқа дайындықты күшейтті

Израиль армиясы Ливанға қарсы солтүстік майданда батальон деңгейінде қалалық қақтығыс және нағыз оқ-дәрімен соғыс дайындығын күшейткенін хабарлады.

Израиль армиясының мәлімдемесінде соғысқа дайындықтың өткен аптада Солтүстік аймақтық қолбасшылығы тарапынан жүргізілгені, взводтардан бастап, жаяу әскерлер, инженерлік бөлімшелер, танкерлер мен артиллерия бөлімшелерімен батальон деңгейінде қарқынды дайындық жүргізілгені атап көрсетілді.

Израиль премьер-министрі Беньямин Нетаньяху мен Қорғаныс министрі Йоав Галлант бірнеше рет солтүстік шекарадан тыс Ливандағы Хизбулла күштеріне қарсы соғыс туралы мәлімдеме жасады.

Израиль армиясы мен Хизбулла арасында 2023 жылдың 8 қазан күнінен бері шекарада жалғасып жатқан қақтығыстарда 30 ливандық бейбіт тұрғын және 171 Хизбулла мүшесіне қоса, 6 Израиль азаматы мен 10 Израиль әскері қаза тапты.