Израиль армиясы Газа секторының 40 пайызын басып алды
Мұхаммед Иштие Израиль армиясының Газа секторының 40 пайызын басып алғанын мәлімдеді.
Палестина премьер-министрі Мұхаммед Иштие Израиль армиясының Газа секторының 40 пайызын басып алғанын мәлімдеді.
Премьер-министрліктен жасалған жазбаша мәлімдемеге қарағанда Иштие Газа секторындағы шабуылдарды талқылау үшін Рамаллада өткен кезектен тыс сессияның ашылуында сөз сөйледі.
7 қазаннан кейін Газа мен Батыс Шериядағы жағдайдың нашарлағанына назар аударған Иштие Газада жаппай қырғындардың, мәжбүрлі қоныс аударудың, су мен электр қуатының үзілуінің, азық-түлік және дәрі-дәрмектің таратылуындағы кедергілердің жағдайды одан да қиындатқанын айтты.
Израиль жасаған қылмыстардың «Палестина халқына қарсы соғыс қылмысы мен геноцид» екенін түсіндірген Иштие: «Осы таңда Израиль Газа секторының шамамен 40 пайызын басып жатыр. Израиль әрқашан басқыншы мемлекет болды» деді.
Иштие қару-жарақ пен аштықтан өлтірілген бейбіт тұрғындар мен жазықсыз балалармен қатар өлімге қалдырылған жаралылардың толық жауапкершілігінің Израильге тән екенін баса айтты.
Палестина премьер-министрі Мұхаммед Штие Израильдің Батыс Шерияда да Палестина халқына қарсы өлтіру, діни орындарды басып алу, жаңа елді мекендер мен бақылау түйіндерін құру әрекеттерін жалғастырып жатқанын атап көрсетті.
Иштие азық-түлік, дәрі-дәрмек және көмек материалдарының ешқандай алғышартсыз қамтамасыз етілуі керектігін атап көрсетті.
Ұқсас жаңалықтар
Ауғанстанда туристерге жасалған шабуылды ДАИШ мойнындады
Бамиян провинциясындағы туристік аймақтарға барған бір топ туристерге қарумен шабуыл жасалды.
Ирландия Палестина мемлекетін мойындайтын болды
Саймон Харрис Палестина мемлекетін айдың соңына дейін мойындауға ниетті екендерін айтты.