Флорида үшін төтенше жағдай жарияланды

Америка Құрама Штаттарының (АҚШ) президенті Джо Байден жақындап келе жатқан «Идалия» дауылының ықтимал салдарына байланысты Флорида штатында төтенше жағдай жариялау шешімін мақұлдады.

Ақ Үйден жасалған жазбаша мәлімдемеде Байденнің «2023 жылдың 27 тамызынан бастап «Идалия» тропикалық дауылынан туындаған төтенше жағдайларға байланысты қозғалыс әрекеттерін қолдауға арналған федералды көмек бұйрығын мақұлдағаны» туралы ақпарат бөлісілді.

«Президенттің бұл шешімі Ішкі қауіпсіздік департаментінің Төтенше жағдайларды басқару жөніндегі федералдық агенттігіне (FEMA) апаттан зардап шеккендерге көмек көрсету бойынша барлық күш-жігерді үйлестіруге және төтенше жағдайдың жергілікті тұрғындарға әкелген қиыншылықтары мен зардаптарын жеңілдету үшін қажетті көмек көрсетуге рұқсат береді» деп айтылды.

АҚШ-та 2024 жылы өтетін президенттік сайлауға Республикалық партиядан үміткер Флорида штатының губернаторы Рон ДеСантис үлкен апатқа айналуы мүмкін дауылға байланысты сайлау науқанын тоқтатты. ДеСантис штаттағы апатқа дайындалу үшін сайлау науқанындағы жұмысын тоқтатқанын айтты.

«Идалия» дауылы 30 тамыз сәрсенбі күні Флорида жағалауына жетеді деп күтілуде.