Францияда полиция қызметкерлері тергеуге алынды
Марсель прокуратурасы тақырыппен байланысты мәлімдеме жасады.
Францияда 27 маусым күні алжирлік жас өспірім Наэль М.-ның полиция оғынан қайтыс болуының артынан басталған оқиғаларда жас жігітке зорлық-зомбылық көрсетті деген айыппен 7 полиция қызметкері ұсталды.
Марсель прокуратурасының мәлімдемесіне қарағанда Наэльдің өлтірілуінен кейін 2 шілде күні Марсельде ұйымдастырылған наразылық акциясында 7 полиция қызметкері «мемлекеттік орган тарапынан зорлық-зомбылық жасалды» деген себеппен ұсталып, біреуі кейін босатылды.
Зорлық-зомбылыққа ұшыраған 22 жастағы Хеди атты жас өспірім 8 күндік еңбекке жарамсыздығы туралы медициналық анықтама алды. Бұл оқиға бойынша 5 шілде күні тергеу басталды.
Тергеу аясындағы түсініктемесінде Хеди оқиға болған күні басына резеңке оқ тигенін, полицияның оны ұрып-соққанын айтты.
Оқиғадан кейін ауруханаға түскен Хеди жан сақтау бөлімшесіне түсіп, бірнеше сағаттан кейін оянған еді.
Францияда полиция шабуылымен қаза тапқан Наэльдің өліміне наразылық білдіргендер елдің әртүрлі қалаларында көшеге шығып, полициямен қақтығысты.
Париж, Марсель және Лионға қоса көптеген қалада өткен наразылықтарда қаланың сауда орталықтары талан-таражға ұшыраған болатын.
