Блинкен F-16 әскери ұшақтарына қатысты мәлімдеме жасады

АҚШ Мемлекеттік хатшысы Энтони Блинкен Түркияның F-16 ұшақтарын модернизациялаудың «АҚШ пен НАТО-ның мүддесіне» екенін айтты.

Блинкен НАТО саммитіне қатысқан Литваның бас қаласы Вильнюсте американдық «MSNBC» телеарнасына берген сұхбатында F-16 ұшақтарының Түркияға жеткізілімі және АҚШ конгресінің мақұлдауы туралы сұрақтарға жауап қайтарды.

Энтони Блинкен Түркияға F-16 ұшақтарын сату тақырыбында конгрестің екі қанатынан келген наразылықтардың қалай шешілетіні жөнінде қойылған бір сұраққа «Бұлар біз үшін әрқашан бөлек мәселелер болды. Швецияны НАТО-ға қосу процесі, Түркияның ілгерілеуді қабылдауымен жалғасуда. Түркияның F-16 ұшақтарын модернизациялау осы әкімшіліктің саясаты болып табылады» деді.

Түркияның НАТО одақтасы екенін атап көрсеткен Блинкен «НАТО-ның тұтас жұмыс істеуі және Түркияның осы технологияға ие болуы маңызды» деді.