Макрон Еуропаны АҚШ-қа тәуелділігін азайтуға шақырды

Франция президенті Эммануэль Макрон стратегиялық автономияға қол жеткізу үшін Еуропаның Америка Құрама Штаттарына (АҚШ) тәуелділігін азайтып, Қытай мен Тайвань арасындағы ықтимал қақтығысқа араласпауы керек екенін мәлімдеді.

Қытайға сапарынан оралған Эммануэль Макрон АҚШ-тағы "Politico" және француздық "Les Echos" басылымдарына сапары туралы сұхбат берді.

Еуропаның қару-жарақ пен энергетикада АҚШ-қа тәуелділігін арттырғанына назар аударған Макрон Еуропаның өз қорғаныс өнеркәсібінің жаңғыртуға көңіл бөлуі керектігін баса айтты.

Макрон Еуропаның Пекин мен Мәскеу сияқты АҚШ долларының мәртебесі тақырыбындағы тәуелділігін азайтуы керек екенін атап өтті.

АҚШ саясатын бір түрлі дүрбелеңдік әсерімен бақылаудың кереғарлық болатынын атап көрсеткен Макрон:

«Біз еуропалықтарға қойылатын сұрақ: «Тайвань мәселесін тез арада күн тәртіпке әкелудің бізге пайдасы бар ма?» Жоқ. «Біз еуропалықтар үшін бұл мәселеде біреудің соңынан еру, АҚШ-тың ырғағы немесе Қытайдың шектен ұшқары нараздығы бойынша әрекет етуіміз керек деп ойлау ең нашар нәрсе болар еді», - деді.

Еуропаның тарихта өз орнын алуы үшін мұның қажеттілігіне назар аударған Макрон Қытай мен Тайвань арасындағы ықтимал қақтығысқа араласудан аулақ болу керектігін білдірді.