Германияда мемлекеттік ұйымдарға кибер шабуыл жасалды

Германияда көптеген штаттардағы мемлекеттік мекемелердің ресми сайттарына кибер шабуыл жасалды.

Германияның бірінші телеарнасы "ARD" арнасының хабарында хакерлер жасаған шабуылдар салдарынан Шлезвиг-Хоштейн штатының ресми сайтына уақытша қол жеткізу мүмкін болмағаны білдірілді.

Хабарда Бранденбург штатындағы полиция күштерінің веб-сайтында ақаулар болғаны, штаттың Ішкі істер министрлігі мен Тюрингиядағы полиция күштерінің веб-сайттарына хакерлер шабуыл жасағаны хабарланды.

Сондай-ақ Берлиндегі шабуылдарға байланысты штат әкімшілігінің веб-сайттарына кірудің ұзаққа созылғаны және Саар штаты үкіметінің ресми парақшасына біраз уақыт қол жеткізу мүмкін болмағаны бөлісілді.

Хабарда осының алдында Мекленбург-Вопоммерн, Төменгі Саксония және Саксония-Анхальт штаттарында министрліктер мен полицияның сайттарына кибер шабуылдар жасалғаны хабарланды.

Төменгі Саксония штаты Әділет министрлігі жасаған мәлімдемеде интернетке ел сыртынан араласудың жалғасқаны және кибер шабуылдарға байланысты тергеу басталғаны атап көрсетілді.