45 адам тоңып өлді

Ауғанстанның батысындағы Герат уәлатында қыс маусымы басталғалы көшеде өмір сүретін 45 нашақор тоңып өлді.

Герат полиция департаментінің есірткіге қарсы күрес бөлімінің директоры Хаятулла Рухани  “Ауа райы салқындап басталғалы 45 нашақор көз жұмды. Нашақорларды жинау жұмыстарын бастадық” деді.

Әр түрлі уәлаяттардан Гератқа келіп,  көшеде жүретін есірткіге тәуелділердің бар екенін айтқан Рухани соңғы күндері шамамен 3500 нашақордың оңалту орталықтарына жіберілгенін атап өтті.

Герат уәлаятында шамамен 70 000 нашақор бар деп есептеледі, олардың көпшілігі көшеде тұрады.