Украина елшіліктеріне «қанды пакеттер» жолданды

Украинаның шетелдегі бірнеше елшілігіне жануарлардың көздері салынған «қанды пакеттер» жолданды.

Испаниядағы кейбір мекемелер мен ұйымдарға, соның ішінде Мадридтегі Украина елшілігіне бірнеше бомба хаттары жіберілгеннен кейін Украина Сыртқы істер министрлігі жұма күні Украинаның шетелдегі көптеген елшіліктеріне жануарлардың көздері салынған «қанды пакеттер» жіберілгенін хабарлады. 

Сыртқы істер министрлігінің баспасөз хатшысы Олег Николенко пакеттердің Киевтің Венгриядағы, Голландиядағы, Польшадағы, Хорватиядағы және Италиядағы елшіліктеріне, Неапольдегі (Италия) және Краковтағы (Польша) бас консулдықтарына және Брнодағы (Чехия) консулдыққа жіберілгенін білдірді.