Киев әкімшілігі көшелердегі кейбір баррикадаларды алып тастады

Украинаның бас қаласы Киев қаласының мэрі Виталий Кличко елде соғыс жалғасып жатқанда, Киевте тіршіліктің біртіндеп қалпына келе бастағанын, даңғылдар мен көшелерде бұрын орнатылған баррикадалардың кейбіреулерінің алып тасталғанын мәлімдеді.

Ресейдің 24 ақпан күні Украинаға қарсы бастаған соғыстың соңғы күндері әсіресе Донбасс аймағында шоғырлануына байланысты бас қала Киевке оралғандар саны арта бастады.

Соңғы бір аптада дабыл қағу дауыстары қайтадан арта түскен Киевте көлік қозғалысының артуы, көшелер мен даңғылдарда орнатылған баррикадалардың кеңеюі және сыртқы аудандардағы кейбір тосқауылдардың алып тасталуы назар аударуда.

Бас қала Киевтегі қауіпсіздік шаралары туралы мәлімдеме жасаған қала мэрі Кличко көлік қозғалысына байланысты кейбір тосқауылдардың алып тасталғанын атап, «Қала бірте-бірте қалыпты өмірге оралуда. Көліктердің өтуі үшін кейбір жолдарды кеңейттік» деді.

Елде соғыстың жалғасып жатқанын еске салған Кличко «Біз соғыс жағдайымен өмір сүріп жатырмыз, сондықтан баррикадалар қалады. Кейбір баррикадалар жойылды, кейбірлері тұрады» деді.

Киевтегі өнер үйлері мен шіркеулердің алдында наурыз айында үйілген құм қаптар және ағаш тақтайшалармен жабылған бюст пен мүсіндер әлі күнге дейін қорғалуда.