Босния соғысы күдіктісі 2 кісі ұсталды

Босния және Герцеговинада Босния соғысы кезінде соғыс қылмысын жасады деп жазғырылған 2 кісі ұсталды.

Босния және Герцеговина прокуратурасы Зворник және Рогатица қалаларында ұсталған екі күдіктінің Босния соғысы кезінде адамгершілікке жат қылмыстар жасады деп жазғырылғанын жариялады.

Тергеуге алынған күдіктілерді түрмеге жабу шешімін сот береді. 

Боснияда 1992 жылы 1 наурызда басталған соғыс 1995 жылы 14 желтоқсанға дейін жалғасты. 

Босния соғысы кезінде 100 мыңнан астам кісі қаза тапты, мөлшермен 2 миллион адам көшуге мәжбүр қалды.