АҚШ 95 мыңнан астам адамды алып шықты

Америка Құрама Штаттары Ауғанстаннан эвакуация процесі басталған 14 тамыздан бері барлығы 95 мың 700 адамды  шығарып алды.

Ақ Үйден жасалған жазбаша хабарламаға қарағанда, АҚШ соңғы 24 сағатта Кабулдағы Хамид Карзай Халықаралық әуежайынан шамамен 13 мың 400 адамды эвакуациялады. Соңғы 24 сағатта әскери 17 ұшақпен 5 мың 100, коалицияның 74 рейсімен 8 мың 300 адам алып шығарылды.

Осылайша Америка Құрама Штаттары эвакуациялаған адам саны 95 мың 700-ге жетті. Шілде айының аяғынан бері шамамен 101 мың 300 кісі басқа елдерге орналастырылды.