Қытайда вирустан қайтыс болғандар саны 2665 болды

Қытайда жаңа коронавирус (Сovid-19) салдарынан қайтыс болған адам саны 2665-ке ұласты.

Ұлттық Денсаулық комитетінің деректеріне қарағанда,  ел көлемінде соңғы 24 сағат ішінде жаңа коронавирус (Сovid-19) салдарынан 71 адам қайтыс болды, 508 жаңа оқиғасы анықталды.

Елде нақты коронавирус оқиғасы – 77 мың 658.

 Жаңа коронавирус (Сovid-19) салдарынан мемлекеттің биыл наурыз айында өткізілетін ең маңызды екі жиналысы, яғни Қытай Ұлттық халық конгресі мен Қытай Халық саяси Кеңесі де кешіктірілді.

Қытайдың Хубэй уәлаятына қарасты Ухан қаласында 12 желтоқсан күні шыққан Covid-19 вирусы қысқа уақытта басқа қалалар мен елдерге тарап,  Бүкіләлемдік Денсаулық ұйымы «төменше жағдай» жариялаған болатын.