Нигерияда 27 кісілік кеме суға батты

Батыс Африка елі Нигерияның солтүстігінде 27 кісі отырған кеме Эгвин өзенінде суға батып кетті.

Нигерия Төтенше жағдайлар әкімшілігі агенттігінің Логос координаторы Осанинтолу апаттан кейін басталған іздеу-құтқару жұмыстарында екі кісінің мәйіті табылғанын, 3 адамның құтқарылғанын білдіріп, 22 кісіден әлі хабар алынбағанын атап өтті.

Құтқарылған кісілердің емханаға жеткізілгенін айтқан Осанинтолу іздеу-құтқару жұмыстарының жалғасып жатқанын білдірді.

Логос координаторы Осанинтолу кеменің мөлшерден артық материал мен адам тасымалдағандығы себепті суға батқанын жариялады.