АҚШ Йемен соғысында Сауд коалициясына қолдау бергенін жариялады
АҚШ Мемлекеттік хатшысы Майк Помпео Йемендегі соғыста Сауд коалициясына қолдау беретіндерін жариялады.
Помпео елінің Йемендегі соғыста Сауд Арабиясы басшылығындағы коалицияға берген қолдауын алға тартып, «Эр-Риядтағы Король Халид Халықаралық әуежайынан ұшқан ұшақтар қауіп астында және АҚШ өз азаматтарын қорғауға жауапты» деді.
Министр Помпео АҚШ хабар каналы «The Hill» тарапынан ұйымдастырылған бір семинарда АҚШ-тың Йемендегі соғыстағы ықпалын жақтады.
Йемендік хоуситтер тарапынан Сауд Арабиясына лақтырылған зымырандардың АҚШ-қа бағытталған қауіп екенін алға тартқан Помпео «Саудтарға осы қауіпті зымырандарға қарсы қорғаныс үшін берген қолдауымыз АҚШ-тың мүддесі үшін ең ыңғайлы болғаны» деді.
Йемендегі соғыста Иранды айыптаған Помпео Тегеран әкімшілігінің хоуситтерге елдің ең маңызды порттарының бірі ретінде Хубейде портынан шықпауы үшін тапсырма бергендерін, осы себепті соғыстың жалғасқанын білдірді.
Сауд Арабиясы басшылығындағы коалицияға логистикалық, құпия ақпарат бөлісу және қару саудасы қамтамасыз еткен АҚШ үкіметі Йеменде көптеген жазықсыз адам шығындарына жол ашумен сынға алынуда.
АҚШ Конгресінің екі қанаты Өкілдер Мәжілісі мен Сенаттан өткен және АҚШ-тың Йеменде жалғасқан соғыста Сауд Арабиясына берген қолдауды тоқтатуды қамтыған заң жобасы 16 сәуір күні Трамп тарапынан вето етілген болатын.
