Тырысқақтан 400 адам қайтыс болды

Конго Демократиялық Республикасында тырысқақ салдарынан жылдың басынан бері кемінде 400 адам қайтыс болды.

«Шекарасыз дәрігерлер» ұйымының өкілі Джон Паул Ниакио бас қала Киншасада жылдың басында басталған тырысқақ індетінің елдің шығысына қарай тарай бастағанын білдірді.

Киакио таза ауыз су тапшылығының індеттің таралуына себеп болғанына назар аударды.

БҰҰ деректеріне қарағанда елде өткен жылы 18 мыңға жуық тырысқақ анықталып, 500-ден астам адам қайтыс болған еді.