Ұлыбританияға бармайтын болды

Америка Құрама Штаттары президенті Дональд Трамптың Ұлыбритания сапары 2018 жылға қалдырылды.

Ағылшын «The Guardian» газеті маусым айының ортасында Трамптың Ұлыбритания премьер-министрі Тереза Мэйге телефон шалып, «халық менің сапарыма қолдау бергенге дейін келгім келмейді» дегенін алға тартқан болатын.

Алайда Ұлыбритания үкіметі АҚШ президентінің сапарында өзгеріс болмағанын хабарлаған еді.

BBC-дің хабарына қарағанда алығшын хабар көздері Трамптың Ұлыбританияға 2018 жылы келетінін білдірді.

Ұлыбританияда қаңтар айында Дональд Трамптың сапарын болдырмау үшін дайындалған арызға 2 миллионнан астам адам қол қойған болатын.