Пәкістанда Д-8 елдері жиыны басталды
Жиында аймақтық мәселелер талқылануда
Дамушы сегіз мемлекет мүше Д-8 елдерінің 35-ші комиссия жиындары Пәкістанның астанасы Исламабадта басталды.
Мүше елдер Түркия, Иран, Пәкістан, Бангладеш, Малайзия, Индонезия, Мысыр мен Нигерияның комиссия өкілдері Пәкістан сыртқы істер министрлігінде бас қосты. Жиынға Д-8 бас хатшысы Саид Али Мұхаммед Моусави да қатысты.
Пәкістан кезең төрағасы ретінде соңғы жиынын өткізіп отыр. Бұл жиынның Түркия үшін маңызы биылғы жылдың аяғында Түркияда өтетін 9-ші президенттер саммиті қарсаңындағы соңғы жиын болуы.
Кезең төрағалығы жыл соңындағы саммитте Түркияға өтетін болады. Саммитке әзірлік жұмыстары да осы жиында талқыланды. Сонымен қатар сыртқы істер министрі Ахмет Давутоғлуның шақыруымен өтетін Д-8 сыртқы істер министрлерінің арнайы отырысының күн тәртібінде қаралатын мәселелер белгіленді.
Ұқсас жаңалықтар
Лондон-Сингапур рейсі турбуленттілікке кіріп, 1 адам қаза тапты
Сингапур әуе жолдары ұшағының Суварнабхуми халықаралық әуежайына шұғыл қонғаны хабарланды.
Лавров Палестина мемлекетін құрудың маңызына тоқталды
Ресей Сыртқы істер министрі Сергей Лавров Қазақстанда баспасөз мәслихатын өткізді.