Австрияның Түркияға экспорты артады

Ел астанасы Анкарада өткен «Түркия-Австрия Іскерлік кеңесі дөңгелек үстел отырысы» алдындағы баспасөз мәслихатына Австрия премьер-министрі  Карл Нехаммер, Өнеркәсіп және технология министрі Мехмет Фатих Каджыр, Австрия Еңбек және экономика министрі Мартин Кохер, лауазым иелері және көптеген іскерлер қатысты.

Премьер-министр Нехаммер Австрия мен Түркия арасындағы қарым-қатынастар тарихының тереңге барып тірелгенін еске салып, Түркия сапарының өзі үшін ерекше екенін түсіндірді.

Түркия Республикасының құрылғанына 100 жыл толуымен құттықтаған Нехаммер Түркия мен Австрия арасындағы дипломатиялық қарым-қатынастардың бірінші ғасырының келер жылы тойланатынын атап өтті.

Өзара қою қарым-қатынастарға назар аударған Нехаммер: «Түркия біз үшін өте маңызды серіктес. Біз Австрияның (Түркияға) экспорт деңгейін арттырғымыз келеді. Өткен жылы бұл көрсеткішті 20 пайызға арттырдық және осы таңда  4,6 миллиард  еуродан сөз қозғап отырмыз» деді.