Дүниежүзілік банк биылғы өсуді қайта қарады

Дүниежүзілік банк тобының төрағасы Дэвид Малпасс биылғы жаһандық экономикалық өсу болжамы 1.7 пайыздан 2 пайызға дейін қайта қаралғанын хабарлады.

Малпасс Халықаралық Ақша қоры – Дүниежүзілік банк көктемгі кездесулерінің ашылуы алдында жаһандық экономикаға баға берді.

Жаһандық экономиканың биыл 2 пайыздық өсуі күтілетінін айтқан Малпасс жаһандық экономикалық өсу болжамының жоғары қарай қайта қаралуының Қытайдың экономикалық көзқарасының жақсаруына байланысты екенін атап көрсетті.

Малпасс банк секторындағы қиындықтар мен мұнай бағасының жоғарлауы биылғы жылы да өсу перспективаларын төмендетуі  мүмкін деп ескертті.

Банктің қаңтар айында жариялаған болжамдарында әлемдік экономика биыл 1.7 пайызға өседі деп болжанған.