Ресей рубльмен төлемеген елдерге газды тоқтатты
Дмитрий Песков: "Ресейдің көгілдір отыны үшін рубльмен төлеу жүйесінен бас тартқан елдерге тасымалдау тоқтатылды" деді.
Ресей Президентінің Баспасөз хатшысы Дмитрий Песков ресейлік көгілдір отын үшін рубльмен төлеу жүйесінен бас тартқан елдерге тасымалдау тоқтатылғанын хабарлады.
Дмитрий Песков астана Мәскеуде жасаған мәлімдемесінде ресейлік көгілдір отын тасымалына бағытталған жаңа рубльмен төлеу жүйесінің атқарылғанын ескертті.
Рубльмен төлеу жүйесінен бас тартқан елдерге табиғи газ тасымалдаудың тоқтатылғанын айтқан Дмитрий Песков:
"Ресейдің көгілдір отыны үшін рубльмен төлеу жүйесінен бас тартқан елдерге тасымалдау тоқтатылды. Бұдан әрі қысқартулар жүргізілмейді. Жүйе қалыптасты және жұмыстануда. Табиғи газ алғандар Ресей президентінің қатысты шешімінде белгіленген жаңа жүйеге сай жұмыстануда" деді.
Ресейлік Газпром энергетикалық компаниясы осының алдында рубльмен төлеу жүйесінен бас тартқаны сылтауымен Польша, Болгария, Финляндия, Голландия және кейбір еуропалық компанияларға табиғи газ айдауды тоқтатқан болатын.
Ресей президенті Владимир Путин 23 наурызда табиғи газ сатуда орыс рубльмен төлеуге өту жоспарланғанын хабарлаған болатын.
