Малайзия АҚШ-тың саяхат ескертуіне наразылық көрсетті
АҚШ үкіметі 9 сәуірде жариялаған саяхат ескертуі тізіміне қауіпті деп қаралған 35 елді тіркеген болатын.
Малайзия Америка Құрама Штаттарының саяхат ескертуіне наразылық көрсетті.
Малайзия үкіметі АҚШ-тың азаматтарына бағытталған жаңа саяхат ескертуінде алып қашу қаупі бар елдер тізіміне Малайзияны қосуына орай, АҚШ-тың Куала Лумпурдағы өкілетті елшісі Камала Ширин Лахирді протест нотасын беру мақсатымен Сыртқы істер министрлігіне шақырды.
Сыртқы істер министрлігінен жасалған мәлімдемеде:
"Министрлік Бас хатшысы Зайнал Абидин өкілетті елшіні қабылдап, АҚШ-тың аталмыш шешіміне бағытталған Малайзия үкіметінің наразылығын қамтыған протест нотасын жеткізді" деп көрсетілді.
Мәлімдемеде АҚШ-тың Сабах және Саравак уәлаяттарындағы адам алып қашу қимылдарына орай жасаған саяхат ескертулерінің шындыққа үйлеспейтіні және Сабах уәлаятының шығысында қауіпсіздік шараларының арттырылғаны дәріптелді.
АҚШ үкіметі 9 сәуірде жариялаған саяхат ескертуі тізіміне қауіпті деп қаралған 35 елді тіркеген болатын.
Ұқсас жаңалықтар
Түркияның туризм кірісі өсті
Түркия Статистика Мекемесі қаңтар-наурыз кезеңінің туризм статистикасын жариялады.