თურქული პრესა 12.02.2024
თურქული პრესის მოკლე მიმოხილვა
თურქული პრესა 12.02.2024
თურქული პრესის მოკლე მიმოხილვა
Yeni Şafak: "ერდოღანი, ჩვენ კიდევ უფრო დავაჩქარებთ ურბანული ტრანსფორმაციის პროცესს"
პრეზიდენტმა რეჯეფ თაიფ ერდოღანმა ხაზგასმით აღნიშნა, რომ 2023 წლის 6 თებერვალს ქაჰრამანმარაშის ცენტრში მომხდარი მიწისძვრის შემდეგ ისინი სწრაფად აგრძელებენ სამუშაოებს რეგიონის აღორძინების მიზნით. ერდოღანმა თქვა, რომ ისინი კიდევ უფრო დააჩქარებენ ურბანული ტრანსფორმაციის პროცესს.
Hürriyet: "ერდოღანი: ჩვენ არ დავუშვებთ დაუცველობის ატმოსფეროს"
პრეზიდენტი ერდოღანი გამოეხმაურა სამართლიანობისა და განვითარების პარტიის (AKP) წინასაარჩევნო კამპანიის დროს სტამბოლის ქუჩუქჩექმეჯეს მერობის კანდიდატ აზიზ იენიაიზე შეიარაღებულ თავდასხმას. მან აღნიშნა: "ჩვენ არ დავუშვებთ თურქეთში დაუცველი გარემოს შექმნის მცდელობებს".
Star: „პენტაგონი: თურქულმა უპილოტო საფრენმა აპარატებმა დოქტრინები თავდაყირა დააყენეს“
ამერიკის შეერთებული შტატების თავდაცვის დეპარტამენტის (პენტაგონის) ოფიციალურმა პირებმა შეაქეს თურქეთის თავდაცვის ინდუსტრია. ოფიციალურმა პირებმა განაცხადეს: „ჩვენ ინტერესით ვადევნებთ თვალს თურქეთის შეიარაღებული უპილოტო საფრენი აპარატების ტექნოლოგიების ინოვაციურ განვითარებას. თურქულმა უპილოტოებმა თავდაყირა დააყენეს სახმელეთო ომების წერილობითი დოქტრინები“.
Sabah: "თურქეთში მეცნიერ ქალთა მაჩვენებელი ევროპასა და OECD-ზე მაღლა დგას"
თურქეთის უნივერსიტეტებში ქალი მეცნიერების მაჩვენებელი 46,4 პროცენტამდე გაიზარდა. ამგვარად, თურქეთმა გადააჭარბა ევროპისა და ეკონომიკური განვითარებისა და თანამშრომლობის ორგანიზაციის (OECD) ქვეყნებში მეცნიერ ქალთა საშუალო 43 პროცენტს.
Haber Türk: "სტამბოლის ბირჟამ 2024 წელს მწვერვალს მიაღწია "
სტამბოლის ბირჟაზე BIST 100 ინდექსმა წლის დასაწყისიდან 21,1 პროცენტიანი შემოსავლით მსოფლიოს მთავარ ინდექსებს გადააჭარბა. BIST 100 ინდექსს, რომელიც აგრძელებს რეკორდული დონის გაუმჯობესებას, მოჰყვება იაპონური Nikkei 225 ინდექსი 10,3 პროცენტით.
