თურქული პრესა 08.04.2022
თურქული პრესის მოკლე მიმოხილვა
მიმოხილვას ვიწყებთ გაზეთ „Yeni Şafak“-ით, რომელშიც ვკითხულობთ: საგარეო საქმეთა მინისტრმა მევლლუთ ჩავუშოღლუმ, ნატოს საგარეო საქმეთა მინისტერიალის შემდეგ გაკეთებულ განცხადებაში აღნიშნა, რომ მიუხედავად იმისა, რომ რუსეთ-უკრაინის ომის მოლაპარაკებები დადებითად მიმდინარეობდა, ბუჩადან გავრცელებული მშვიდობიანი მოსახლეობის ხოცვა-ჟლეტა მიუღებელია. მისივე თქმით, ამ ფაქტმა მოლაპარაკებების პოზიტიური გარემო დაჩრდილა.
გაზეთი „Haber Türk“-ი იუწყება, რომ აშშ-ის სახელმწიფო დეპარტამენტმა, კონგრესს გაუგზავნა წერილი თურქეთისთვის F-16-ების მიყიდვასთან დაკავშირებით, სადაც ნათქვამია, რომ „F-16-ების თურქეთზე მიყიდვა შეესაბამება აშშ-ს ინტერესებს და ემსახურება ნატოს გრძელვადიან ერთიანობას“.
გაზეთი „Star“-ი წერს, რომ მიმდინარე წლის პირველ კვარტალში თურქული ორაგულის ექსპორტი 20 ქვეყანაში განხორციელდა. ახლა კი თურქეთი ამ ბაზრის გაფართოებას ფიქრობს რა, მისი პოპულარიზაციისთვის 26-28 აპრილს ესპანეთში გასამართ გამოფენაზე უნდა იქნეს გატანილი.
„ტურისტებმა დაიწყეს მარმარისში ჩამოსვლა“ ასეთი სტატია იპყრობს ყურადღებას გაზეთ „Hürriyet“-ში და მასში ვკითხულობთ: თურქეთისა და მსოფლიოს ერთ-ერთ საყვარელ ტურისტულ ქალაქ, მუღლას მარმარისის რაიონში სასტუმროებმა დაასრულეს მზადება ახალი სეზონისთვის და დაიწყეს სტუმრების მასპინძლობა. რაიონს პირველი სტუმრები უკვე ესტუმრნენ ინგლისიდან, ისრაელიდან, ბელგიიდან და ირანიდან.
გაზეთი „Sabah“-ი იტყობინება, რომ მსოფლიოში ცნობილმა მომღერალმა ჰელზიმ სოციალურ ქსელში თურქული პოსტი გამოაქვეყნა „სიყვარული ისე იზრდება, როგორც თქვენ იზიარებთ“ (Sevgi paylaştıkça artar), რომელმაც დიდი ყურადღება მიიპყრო. მისი პოსტი ასევე ათასობით თურქმაც მოიწონა.