თურქული პრესა 08.12.2020

თურქული პრესის მოკლე მიმოხილვა

მიმოხილვას ვიწყებთ გაზეთ “საბაჰ“-ში გამოქვეყნებული ინფორმაციით, რომლის თანახმადაც, პრეზიდენტმა რეჯეფ თაიფ ერდოღანმა ინვესტორთა საერთაშორისო ასოციაციის (YASED) მიერ ორგანიზებულ "საერთაშორისო საინვესტიციო სამიტზე" ვიდეომიმართვა გააგზავნა. გზავნილში ერდოღანმა აღნიშნა: ”მე მჯერა, რომ ჩვენი ქვეყანა მნიშვნელოვან უპირატესობებს სთავაზობს საერთაშორისო ინვესტორებს, რომლებიც ეძებენ აზიაში წარმოების ქსელის ალტერნატივას”.

გაზეთი „იენი შაფაკი“-ს თანახმად, ტრანსპორტისა და ინფრასტრუქტურის მინისტრმა, ადილ ქარაისმაილოღლუმ განაცხადა: ”დაიწყო ადგილობრივი ელექტრო მატარებლების ეროვნული ნაკრების წარმოება, რომლითაც ჩვენ ყველა ვამაყობთ. 2020 წლის პირველ ნახევარში ჩვენ ვიწყებთ 2 ნაკრების მასობრივ წარმოებას, რომელთა პროტოტიპებიც რელსებზე დგას.“

გერმანიის კანცლერმა, ანგელა მერკელმა, თურქულ და გერმანულ ენებზე მაუწყებელი რადიოს ერთ-ერთ გადაცემაში განაცხადა, რომ თურქი მიგრანტების შვილების, BioNTech– ის ერთ – ერთი დამაარსებლის, დოქტორ უღურ შაჰინის და მისი მეუღლის, დოქტორ ოზლემ თურეჯის მიერ ახალი ტიპის კორონავირუსის საწინააღმდეგო ვაქცინის შექმნით ბედნიერია - წერს გაზეთი „ჰურიეთი“. მერკელმა ასევე თქვა, რომ მან იცის, თურქეთში ოჯახს რამდენად დიდი მნიშვნელობა აქვს და დაამატა: "თურქეთში ოჯახში უფროსების მიმართ პატივისცემა ძალიან დიდია, თუმცა განსაკუთრებით ისინი უნდა დავიცვათ. საზოგადოებაში იმუნიტეტის შექმნის შემდეგაც კი გარკვეული პერიოდი ვალდებულები ვართ შევინარჩუნოთ დისტანცია ჩვენს საყვარელ ადამიანებთან".

გაზეთი „სტარი“ იუწყება, რომ თურქეთმა, კატასტროფებისა და საგანგებო სიტუაციების სამმართველოს მეშვეობით 2019 წელში 10 ქვეყანას 55 მილიონი დოლარის ჰუმანიტარული დახმარება გაუწია.

და ბოლოს, გაზეთი „ვათანი“-ს თანახმად, 'Global Firepower'-ის სახელწოდების ინტერნეტ გვერდის მიერ მომზადებულ სიაში ჩამოთვლილია მსოფლიოს უძლიერესი საჰაერო ძალები მქონე ჯარები, რომელშიც თურქეთი 1065 ერთეული საჰაერო საშუალებით მეათე ადგილზეა. სიაში 13 ათას 362 ერთეული საჰაერო საშუალებით აშშ პირველ, 3 ათას 914-ით რუსეთი მეორე ადგილზეა.