თურქული პრესა 24.06.2020
თურქული პრესის მოკლე მიმოხილვა
თურქული პრესის მოკლე მიმოხილვა
გაზეთ „იენი შაფაკ“-ში მოყვანილია საგარეო საქმეთა სამინისტროს პრესსპიკერის, ჰამი აქსოის განცხადება, რომელშიც ნათქვამია: "საფრანგეთის პრეზიდენტის მაკრონის მხრიდან, ჩვენი ქვეყნის გაეროს გადაწყვეტილებების ფარგლებში და მოთხოვნის შესაბამისად ლიბიის ლეგიტიმური მთავრობისადმი მხარდაჭერის „საშიშ თამაშად" შეფასების ახსხნა მხოლოდ გონების დაბნელებითაა შესაძლებელი."
გაზეთი „საბაჰი“-ს თანახმად, გერმანიის კანცლერის მერკელის მიერ თურქეთში მოგზაურობის შეზღუდვის პარალელურად ტურისტის სტატუსით ანტალიაში ჩასულმა „ბილდი“-ს რეპორტიორმა თურქეთის მიერ კორონავირუსის წინააღმდეგ მიღებული ზომების შესახებ გამოაქვეყნა სტატია სახელწოდებით „მაშველსაც კი პირბადე უკეთია“. მაიკლ ქუანდტის სახელით გამოქვეყნებულ სტატიაში ნათქვამია, რომ ”ანტალიის აეროპორტი უკეთესია, ვიდრე ბერლინ-ტეგელის აეროპორტი” და დეტალურადაა აღწერილი მოგზაურობის დროს გატარებული ზომები.
თავდაცვის ინდუსტრიის ხელმძღვანელმა, პროფესორმა ისმაილ დემირმა განაცხადა, რომ მიკრო სატელიტზე კოვიდ-19-ს გავლენა არ მოუხდენია და თურქეთი სატელიტური კომპანიის მფლობელი გახდება - წერს გაზეთი „ჰურიეთი“. მან ასევე აღნიშნა, რომ დაბალი ორბიტის სატელიტებთან დაკავშირებით სამუშაოები ტარდება და დაამატა: ”ჩვენ მიზნად ვისახავთ 2025 წელს მიკრო თანამგზავრის გაშვებას.“
გაზეთი „სტარი“-ს ინფორმაციით, საზღვაო უსაფრთხოების სრულყოფის ცენტრის სარდლობას (MARSEC COE) როგორც თურქეთის ნატო-ში აკრედიტირებული მეორე, ხოლო ნატო-ს 26-ე სრულყოფის ცენტრს ”საერთაშორისო სამხედრო ორგანიზაციის“ სტატუსი მიენიჭა.
და ბოლოს, გაზეთი „ვათანი“-ს ცნობით, ინდონეზიის საზოგადოებრივი სამუშაოების და განსახლების მინისტრმა ბასუკი ჰადიმულჟონომ განაცხადა, რომ იგი ხელს შეუწყობს ინვესტიციების განხორციელებას თურქეთის მხრიდან და დაამატა "თურქულ კომპანიებს შეუძლიათ გამოიყენონ ინდონეზია, როგორც ბაზა, რათა შევიდნენ აზიის ბაზარზე."