თურქული პრესა 31.01.2019

თურქული პრესის მოკლე მიმოხილვა

მიმოხილვას ვიწყებთ გაზეთ საბაჰ“-ში გამოქვეყნებული ინფორმაციით, რომლის თანახმადაც, პრეზიდენტმა რეჯეფ თაიფ ერდოღანმა განაცხადა, რომ თურქული სერიალები მსოფლიოს 156 ქვეყანში გადის და მათ 500 მილიონი ადამიანი უყურებს. ერდოღანი საპრეზიდენტო კომპლექსში რაიონის გამგებლებს შეხვდა. თავის გამოსვლაში ერდოღანმა თქვა, რომ 2004 წელში მიღებული კანონით თურქული კინოსა და სატელევიზიო სერიალების სექტორმა დიდი ნახტომი გააკეთა და ხელოვნებისა და ხელოვანების მხარდაჭერა გაგრძელდება.

გაზეთი „ჰურიეთის“ ცნობით, თურქეთის ავიახაზებმა (THY) 2018 წელში მგზავრთა რაოდენობის 9,5% -იან ზრდას, დატვირთვის დონის კი 82%-მდე ზრდას მიაღწია. THY- ის Twitter- ის ანგარიშით გამოქვეყნებულ ვიდეოში ნათქვამია, რომ ფლოტს 12 ახალი თვითმფრინავი დაემატა და ფრენების რაოდენობა 332-მდე გაიზარდა.

თურქეთიდან კატარში 2018 წელში ექსპორტი წინა წელთან შედარებით 62%-ით 630 მილიონი დოლარიდან 1 მილიარდ 18 მილიონ დოლარამდე გაიზარდა - წერს გაზეთი „ვათანი“. ეგეოსის რეგიონის ექსპორტიორთა კავშირის განცხადებით, თურქეთმა 2017 წელში კატარში 630 მილიონი აშშ დოლარის ექსპორტი განახორციელა. კატარში ექსპორტი 2018 წელში 62 პროცენტით გაიზარდა და 1 მილიარდი 18 მილიონი დოლარი შეადგინა. ამ მაჩვენებლით, კატარი 37-ე ადგილზეა იმ ქვეყნებს შორის, სადაც თურქეთმა ყველაზე მეტი ექსპორტი განახორციელა.

გაზეთი „ჰაბერ თურქი“-ს ცნობით, თურქეთის სტატისტიკური ინსტიტუტის 2014 და 2016 წლების კვლევების თანახმად, თურქეთის ყველაზე ბედნიერმა პროვინცია სინოპმა გასულ წელში დასახულ მიზანს მიაღწია და 1 მილიონი ვიზიტორი მიიღო. პროვინციის კულტურისა და ტურიზმის სამმართველოს დირექტორის ჰიქმეთ თოსუნის განცხადებაში ნათქვამია, რომ ქალაქის სილამაზე სინოპში განსაკუთრებით ზაფხულის თვეებში იზიდავს ხალხს.

და ბოლოს, გაზეთი „სტარი“ წერს, რომ ამერიკულ საკალათბურთო ლიგაში (NBA) კლივლენდ კავალიერსის კალათბურთელმა, ჯედი ოსმანმა, ვაშინგტონ ვიზარდსთან მატჩში, რომელიც კლივლენდ კავალიერსმა 116-113 მოიგო, 26 ქულა ჩააგდო. თურქეთის ეროვნული კალათბურთის ნაკრების წევრი ოსმანი ბოლო კვირეების  წარმატებული პერფორმანსის გამო ასევე მონაწილეობას მიიღებს NBA All Star-ის ვარსკვლავების თამაშში.