პრეზიდენტმა ერდოღანმა ღაზაში საავადმყოფოს დაბომბვასთან დაკავშირებით განცხადება გააკეთა
პრეზიდენტმა ერდოღანმა ღაზაში საავადმყოფოს დაბომბვასთან დაკავშირებით განცხადება გააკეთა
პრეზიდენტმა რეჯეფ თაიფ ერდოღანმა ისრაელის მიერ ღაზაში ალ-ეჰლის ბაპტისტური საავადმყოფოს დაბომბვასთან დაკავშირებით განაცხადა: „მოვუწოდებ მთელ კაცობრიობას, მიიღოს ზომები ამ სისასტიკის შესაჩერებლად, რომელსაც ისტორიაში პრეცედენტი არ აქვს“.
პრეზიდენტმა ერდოღანმა სისხლიანი თავდასხმის შემდეგ სოციალურ ქსელში პოსტი გაავრცელა, რომელშიც ნათქვამია: "საავადმყოფოს დაბომბვა, სადაც ქალები, ბავშვები და უდანაშაულო მშვიდობიანი მოქალაქეები იმყოფება, არის ისრაელის თავდასხმების უახლესი მაგალითი, რომელიც მოკლებულია უმთავრეს ადამიანურ ღირებულებებს. მოვუწოდებ მთელ კაცობრიობას, მიიღოს ზომები ღაზაში ამ სისასტიკის შესაჩერებლად, რომელიც ისტორიაში უპრეცედენტოა“.
პირველადი შეფასებით, ისრაელის მიერ ალ-ეჰლის ბაპტისტური საავადმყოფოს დაბომბვის შედეგად 500 ადამიანი დაიღუპა.
ღაზაში ჯანდაცვის სამინისტროს სპიკერმა აშრაფ ალ-კუდრამ განაცხადა, რომ დაბომბვის შედეგად 500 ადამიანი დაიღუპა.
აღინიშნა, რომ დაღუპულთა უმრავლესობა ჩვილები, ბავშვები და ქალები არიან.
მომხდარის გამო პალესტინის პრეზიდენტმა მაჰმუდ აბასმა 3 დღიანი გლოვა გამოაცხადა.