თურქეთი: ლაჩინის გზასთან დაკავშირებით აზერბაიჯანის კრიტიკას სამართლიანი საფუძველი არ აქვს

თურქეთმა განაცხადა, რომ ლაჩინის გზასთან დაკავშირებით აზერბაიჯანის კრიტიკას სამართლიანი საფუძველი არ აქვს.

ლაჩინის გზაზე შექმნილ ვითარებასთან დაკავშირებით საგარეო საქმეთა სამინისტროს წერილობით განცხადებაში ნათქვამია: „თურქეთი ყურადღებით ადევნებს თვალს ლაჩინის გზის საკითხზე ხანგრძლივ დებატებს და ესმის აზერბაიჯანის ლეგიტიმური შეშფოთება ამ საკითხთან დაკავშირებით. სამწუხაროდ, ეს შეშფოთება, რომელსაც აზერბაიჯანი დიდი ხანია ხმამაღლა აცხადებს, არ იქნა გათვალისწინებული და შედეგად, აზერბაიჯანმა სუვერენიტეტის უფლებების ფარგლებში მიიღო ზომები, რომელსაც მიზანშეწონილად მიიჩნევდა“.

თურქეთი ფიქრობს, რომ ლაჩინის გზასთან დაკავშირებით აზერბაიჯანის კრიტიკას არ აქვს სამართლიანი საფუძველი. ის ფაქტი, რომ ამჟამად უზრუნველყოფილია სამედიცინო გადასასვლელები ლაჩინის გზაზე, ასევე სხვა მარშრუტები, რომლებიც შესაფერისია მასალების ფართო ტრანსპორტირებისთვის, მეტყველებს იმაზე, რომ აზერბაიჯანული მხარე კარგი განზრახვით იყენებს მაქსიმალურ ძალისხმევას.

ჩვენი მოლოდინი სომხეთისგან არის თავიდან აიცილოს პროვოკაციული ნაბიჯები, აღიაროს აზერბაიჯანის ტერიტორიული მთლიანობა და სუვერენიტეტი, მხარი დაუჭიროს "აღდამ-ხანკენდის" და სხვა ალტერნატიული გზების გამოყენებას ყარაბაღში სომეხი მოსახლეობის მოთხოვნილებების დასაკმაყოფილებლად, ასევე მხარი დაუჭიროს აზერბაიჯანის სომხური მოსახლეობის რეინტეგრაციის ძალისხმევას.

თურქეთს მიაჩნია, რომ რეგიონში მშვიდობისა და სტაბილურობის უზრუნველსაყოფად, უნდა მოხდეს მეგობარი და მოძმე აზერბაიჯანის ტერიტორიული მთლიანობის, სუვერენიტეტისა და ჰუმანიტარული ძალისხმევის მხარდაჭერა და სიტუაციის გამწვავების თავიდან აცილება“.