პრეზიდენტი ერდოღანი: „თურქეთი პლეიმეიკერი გახდა“

პრეზიდენტმა რეჯეფ თაიფ ერდოღანმა განაცხადა, რომ თურქეთი აქტიურ როლს თამაშობს ველზე და მაგიდასთან და დაამატა: „თურქეთი გახდა პლეიმეიკერი ქვეყანა, რომელმაც თავისი კვალი დატოვა საერთაშორისო ურთიერთობებზე, რომლის ჩართულობაც ბევრ კრიტიკულ საკითხშია მოთხოვნილი, რომლის დამოკიდებულებასაც ყურადღებით აკვირდებიან“.

პრეზიდენტმა რეჯეფ თაიფ ერდოღანმა საპრეზიდენტო კომპლექსში გამართულ „ელჩების მე-14 კონფერენციაზე“ მონაწილეებს სიტყვით მიმართა.

პრეზიდენტმა ერდოღანმა ასევე აღნიშნა, რომ მისი კონტაქტები უკრაინასა და რუსეთთან შავი ზღვის მარცვლეულის დერეფნის შეჩერების შემდეგაც გრძელდება და დაამატა: „მჯერა, რომ პუტინთან საერთო მიღწევაზე შევთანხმდებით“.

პრეზიდენტმა ერდოღანმა აღნიშნულ პროგრამაზე სიტყვით გამოსვლისას ასევე განაცხადა: „ჩვენ გადავიხადეთ ფასი ყველაფრისთვის, რაც გვაქვს. ისინი ყველანაირად ცდილობდნენ ჩვენი სამშობლოს დაშლას. ყველა ხერხს იყენებდნენ თურქეთის გაძლიერების შესაფერხებლად, მაგრამ რაც გააკეთეს, მიზნებს ვერ მიაღწიეს. ჩვენ არ დავნებდით FETÖ-ს მოღალატეების სასიკვდილო ტანკებს. ჩვენ, ჩვენი ქვეყნისთვის ათასობით შვილი შევწირეთ, მაგრამ ჩვენი მომავალი არ შეგვილახია. ჩვენ ვამაყობთ, რომ წელს მივაღწიეთ ჩვენი რესპუბლიკის 100 წლის იუბილეს. ჩვენი არც ერთი მიღწევა არ იყო წარმოდგენილი ოქროს ლანგარზე. ბოლო 21 წლის განმავლობაში განხორციელებული რეფორმებით ჩვენ გავათავისუფლეთ ჩვენი ქვეყანა ფეხზე დადებული ბორკილებისაგან. თურქეთის სახე ყველა სფეროში შევცვალეთ. ჩვენ გავაფართოვეთ ჩვენი საგარეო პოლიტიკის ჰორიზონტი მთელ მსოფლიოში. Türkevi, რომელიც ჩვენი ქვეყნის პრესტიჟული პროექტია, 2 წლის წინ გავხსენით. ასევე დიპლომატიის სფეროში უთვალავი წარმატება მოვუტანეთ ჩვენს ქვეყანას“.