ჩავუშოღლუ ისრაელის ახალ საგარეო საქმეთა მინისტრს ტელეფონით ესაუბრა

საგარეო საქმეთა მინისტრი მევლუთ ჩავუშოღლუ ისრაელის ახალ საგარეო საქმეთა მინისტრს, ელი კოენს, ტელეფონით ესაუბრა და აღნიშნა: „ისრაელის ეროვნული უსაფრთხოების მინისტრის იტამარ ბენ-გვირის პროვოკაციული ქმედება ალ-აქსას მეჩეთის წინააღმდეგ მიუღებელია“.

საგარეო საქმეთა სამინისტროს ინფორმაციით, ჩავუშოღლუმ კოლეგა კოენს ახალ თანამდებობაზე დანიშვნა მიულოცა.

აღნიშნულ ინფორმაციაში ასევე ნათქვამია: „მინისტრმა ჩავუშოღლუმ შეახსენა კოენს ჩვენი ქვეყნის სენსიტიურობა და მოლოდინები პალესტინის საკითხთან დაკავშირებით და ამ კონტექსტში, ხაზი გაუსვა, რომ მიუღებლად მიგვაჩნია ისრაელის ეროვნული უსაფრთხოების მინისტრის იტამარ ბენ-გვირის წინა დღის პროვოკაციული ქმედება ალ-აქსას მეჩეთის წინააღმდეგ. მინისტრმა ჩავუშოღლუმ ხაზი გაუსვა მნიშვნელობას, რომელსაც ჩვენ ვანიჭებთ ალ-აქსას მეჩეთის სტატუსის შენარჩუნებას და განაცხადა, რომ ჩვენ ველით, თავიდან იქნას აცილებული ყველა სახის პროვოკაციული ქმედება. "

საუბრის დროს მინისტრები შეთანხმდნენ, რომ ერთობლივად იმუშავებენ ორმხრივი ურთიერთობების გასაუმჯობესებლად.