ქალინსა და სალივანს შორის სატელეფონო საუბარი შედგა

პრეზიდენტის პრესსპიკერმა იბრაჰიმ ქალინმა სატელეფონო საუბარი გამართა ამერიკის შეერთებული შტატების ეროვნული უსაფრთხოების საკითხებში მრჩეველთან ჯეიკ სალივანთან.

პრეზიდენტის პრესსპიკერის განცხადებით, საუბრის დროს, გარდა ორმხრივი პოლიტიკური და ეკონომიკური ურთიერთობებისა, განხილული იქნა თავდაცვის მრეწველობის სფეროში თანამშრომლობის, რუსეთ-უკრაინის ომის, აღმოსავლეთ ხმელთაშუა ზღვის, შვედეთისა და ფინეთის ნატოში გაწევრიანების პროცესის, სირიის, ერაყის და ტერორიზმთან ბრძოლის თაოსნობით რეგიონული საკითხები.

ბალიში ლიდერების დონეზე G20-ის ფარგლებში გამართული შეხვედრის გამო კმაყოფილება გამოითქვა და შეთანხმდნენ, რომ გაგრძელდეს დიალოგი და კონსულტაციები გლობალურ და რეგიონულ საკითხებზე.

ითქვა, რომ როგორც ნატოს ორმა მოკავშირემ, თურქეთმა და ამერიკის შეერთებულმა შტატებმა ყურადღება უნდა გაამახვილონ სტრატეგიულ პრიორიტეტებზე და საერთო ინტერესებზე.

საუბრის დროს ხაზი გაესვა თავდაცვის მრეწველობის სფეროში მიმდინარე თანამშრომლობის მნიშვნელობას და ამერიკულ მხარეს გადაეცა თურქეთის მოლოდინები აშშ-ს კონგრესის მიერ F-16-ის შესყიდვისა და მოდერნიზაციის მოთხოვნის კონგრესის მიერ დამტკიცების პროცესის უპირობოდ დასრულებასთან დაკავშირებით.

ასევე ხაზგასმით აღინიშნა, რომ უკრაინის ომის გახანგრძლივებამ და გავრცელებამ გააღრმავა კრიზისი გლობალური მასშტაბით და რომ ომი უნდა დასრულდეს და მოლაპარაკების მაგიდასთან უნდა დაბრუნდნენ.

გამოითქვა, რომ თურქეთი მტკიცედ აგრძელებს დიპლომატიურ ინიციატივებს, რამაც შეიძლება გზა გაუხსნას სამხედრო ტყვეთა გაცვლისა და მარცვლეულის შეთანხმების ჩათვლით ცეცხლის შეწყვეტას.

ხაზგასმით აღინიშნა, რომ თურქეთის მიერ სირიასა და ერაყში ჩატარებული ოპერაციების სამიზნეს წარმოადგენდნენ სეპარატისტული ტერორისტული ორგანიზაციები PKK/PYD/YPG, რომლებიც საფრთხეს უქმნიან თურქეთის ეროვნულ უსაფრთხოებას.

შეხსენებული იქნა, რომ თურქეთს, რომელიც ტერორისტულ თავდასხმებს განიცდის, გაეროს კონვენციის 51-ე მუხლის შესაბამისად თავდაცვის უფლება აქვს. და რომ თურქეთს მტკიცედ აქვს გადაწყვეტილი აღმოფხვრას ყველა სახის ტერორისტული საფრთხე და მუქარა.

ფინეთისა და შვედეთის მიერ მიღწეული პროგრესის გამო კმაყოფილების გამოხატვისას აღინიშნა, რომ ივნისში მადრიდში ხელმოწერილი სამმხრივი შეთანხმების ყველა ვალდებულება უნდა შესრულდეს.