გუშინ თურქეთის ეროვნული უშიშროების საბჭოს შეხვედრა გაიმართა

თურქეთის ეროვნული უშიშროების საბჭომ განაცხადა, რომ მიუღებელია საბერძნეთის მიერ ტერიტორიული წყლებისა და საჰაერო სივრცის დარღვევის გაგრძელება.

განცხადება, პრეზიდენტის რეჯეფ თაიფ ერდოღანის თავმჯდომარეობით საპრეზიდენტო კომპლექსში გამართული შეხვედრის შემდეგ გამოქვეყნდა.

ეროვნული უშიშროების საბჭოს განცხადებაში ნათქვამია: „საერთაშორისო სამართლის უგულვებელყოფით, კეთილმეზობლური და სამოკავშირეო ურთიერთობების წინააღმდეგ პოზიციის დაჟინებით გამგრძელებელი საბერძნეთის მიერ პროვოკაციული ქმედებებზე დამატებით ტერიტორიული წყლებისა და საჰაერო სივრცის დარღვევების გახშირებით გაგრძელება, მიუღებელია“.

საბერძნეთის ხელისუფლებას ასევე კიდევ ერთხელ მოუწოდეს დაასრულოს ადამიანის უფლებათა და ჰუმანიტარული სამართლის საწინააღმდეგო ქმედებები, რომლებიც საფრთხეს უქმნის არალეგალი მიგრანტების სიცოცხლეს. გამოითქვა ძლიერი მხარდაჭერა ჩრდილოეთ კვიპროსის თურქული რესპუბლიკის სუვერენული თანასწორობისა და თანაბარი საერთაშორისო სტატუსის საფუძველზე ორი სახელმწიფოიანი გადაწყვეტის ხედვის მიმართ.“