თურქეთში კოვიდ-19-ის შედეგად  გარდაცვლილთა  რიცხვი 500-ს გასცდა

თურქეთში ახალი ტიპის კორონავირუსით (კოვიდ-19) გარდაცვლილთა რიცხვი 501-მდე გაიზარდა. აღნიშნულის შესახებ,  თვით ჯანდაცვის მინისტრმა ფაჰრეთთინ ქოჯამ სოციალურ ქსელ,  Twitter-ით გაავრცელა.

„ბოლო 24 საათში 19 664  ტესტის პასუხი მივიღეთ. დადასტურდა ახალი 3013 შემთხვევა. ყველა მცდელობის მიუხედავდ კიდევ 76 პაციენტი დაიღუპა. ბოლო მონაცემებით,  ქვეყანაში კოვიდ-19-ით დაინფიცირებულთა რიცხვი კი 23 934-მდე გაიზარდა. ასევე უნდა აღინიშნოს, რომ ამ დროისათვის კოვიდ-19-ით დაინფიცირებული 786 პაციენტი გამოჯანმრთელდა“,  განაცხადა ჯანდაცვის მინისტრმა.