ოპერაცია „მშვიდობის წყარო“ 120 საათით შეჩერდა

თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ სირიის ჩრდილოეთში მათ  მიერ 9 ოქტომბერს დაწყებული  ოპერაცია „მშვიდობის წყარო“ 5 დღით შეჩერდა. მისივე თქმით, ეს ცეცხლის შეწყვეტის შეთანხმება არ არის,  არამედ დროებით შეჩერებაა. მინისტრმა ისიც აღნიშნა, რომ საკითხთან დაკავშირებით ამერიკასთან მიღწეული შეთანხმების ფარგლებში, ანუ ხუთი დღის განმავლობაში ტერ-ორგანიზაცია,  PKK-ს სირიის ფრთა PYD-მ თურქეთ-სირიის საზღვარი უნდა დატოვოს. ჩავუშოღლუმ აღნიშნული განცხადება, აშშ-ს ვიცე-პრეზიდენტ მაიკ პენსის თავჯდომარეობით ანკარაში მყოფ ამერიკულ დელეგაციასთან გამართული მოლაპარაკებების შემდეგ პრესკონფერენციის დროს  გააკეთა. თურქმა დიპლომატმა პრესკონფერენციის დროს ისიც დასძინა, რომ აშშ-სთან მდინარე ევფრატის აღმოსავლეთით ანტიტერორისტულ ოპერაციებში თანამშრომლობას სამომავლოდაც გააგრძელებენ. „ჩვენი მიზანია 32 კმ. სიღრმეში და მდინარე ევფრატის აღმოსავლეთში ერაყის საზღვრამდე ტერიტორია ყოველგვარი ტერ-ორგანიზაციებისგან გავათავისუფლოთ და რეგიონი უსაფრთხო ზონად ვაქციოთ,“ განაცხადა ჩავუშოღლუმ.

შეგახსენებთ, რომ დღეს ანკარაში, აშშ-ს დელეგაცია ვიცე-პრეზიდენტ, მაიკ პენსი თავჯდომარეობით იმყოფებოდა. პრეზიდენტმა რეჯეფ თაიფ ერდოღანმა მაიკ პენსს ჯერ პირისპირ შეხვდა რა, შემდეგ დელეგაციებს შორის შეხვედრა დაიწყო, რომლის დასრულების შემდეგ ამერიკის ვიცე-პრეზიდენტმა პრესკონფერენციის გამართა და განაცხადა, რომ თურქეთის შეიარაღებული ძალების მიერ 9 ოქტომბერს სირიაში დაწყებული ოპერაცია, „მშვიდობის წყარო“-ს ანკარა, 120 საათით შეჩერებას დათანხმდა. მაიკ პენსმა პრესკონფერენციის დროს ისიც აღნიშნა, რომ ტერ-ორგანიზაცია, PKK-ს სირიის ფრთა YPG უსაფრთხო ზონას დატოვებს. პენსის, განცხადებით ამერიკული მხარე ხელს შეუწყობს ცეცხლის შეწყვეტის პირობების დაცვას და YPG-ს  20 მილის მოშორებით გაწევას თურქეთის საზღვრიდან. პენსმა ასევე ისიც აღნიშნა, რომ სირიაში სამხედრო ოპერაციის გამო ანკარას წინააღმდეგ აშშ-ს  მიერ დაწესებული  სანქციები მოიხსნება. სანამ მაიკ პენსი პრესკონფერენციას გამართავდა აშშ-ს პრეზიდენტ დონალდ ტრამპმა სოციალურ ქსელ „ტვიტერზე“ თურქეთის პრეზიდენტ რეჯეფ თაიფ ერდოღანის მიმართ ამ შინაარსის განცხადება გაავრცელა: „დიდებული ამბებია თურქეთიდან. მადლობა ერდოღანს“