თურქეთი და აზერბაიჯანი ერთობლივ წვრთნებს ჩაატარებენ

თურქეთის და აზერბაიჯანის საჰაერო ძალები ერთობლივი წვრთნებისათვის ემზადებიან. აზერბაიჯანის თავდაცვის სამინისტროდან გავრცელებული ინფორმაციის მიხედვით, წვრთნები სხვადასხვა სფეროში უნდა ჩატარდეს რომელშიც 30-მდე საჰაერო ხომალდი მიიღბს. ერთობლივი წვრთნები სპეცოპერაციის ჩატარების, სამძებრო-სამაშველო და სამიზნეების განადგურების სფეროებში უნდა განხორციელდეს. თურქეთის და აზერბაიჯანის საჰაერო ძალების ერთობლივი წვრთნები მიმდინარე წლის 22 აგვისტოს დაიწყება და 28 დღეს გაგრძელდება.