მიმდინარე წელს სირიასა და ერაყში 1835 ტერორისტი განეიტრალდა

გუშინ, თურქეთის ეროვნული თავდაცვის სამინისტროს ყოველკვირეული პრესსაინფორმაციო შეხვედრა გაიმართა.

შეხვედრაზე აღინიშნა, რომ ტერორისტული ორგანიზაციების, მათ შორის PKK/KCK/PYD-YPG, დაეში-ს და FETÖ-ს წინააღმდეგ ანტიტერორისტული ოპერაციები, როგორც ქვეყნის შიგნით, ასევე საზღვრებს გარეთ მთელი სიმტკიცით და უწყვეტლივ გრძელდება.

პრესსაინფორმაციო შეხვედრაზე ასევე აღინიშნა, რომ ერაყსა და სირიაში მიმდინარე წლის დასაწყისიდან დღემდე, 1835  ტერორისტი განეიტრალდა.

ამრიგად, 2015 წლის 24 ივლისიდან ლიკვიდირებული ტერორისტების რაოდენობა 39 ათას 178-მდე გაიზარდა.