ალიევ-ზელენსკის შორის სატელეფონო საუბარი გაიმართა

აზერბაიჯანის პრეზიდენტმა ილჰამ ალიევმა და უკრაინის პრეზიდენტმა ვოლოდიმირ ზელენსკიმ სატელეფონო საუბარი გამართეს.

აღნიშნულის შესახებ ინფორმაციას, აზერბაიჯანის პრეზიდენტის ადმინისტრაცია ავრცელებს.

სატელეფონო საუბრის დროს, ზელენსკიმ მადლობა გადაუხადა აზერბაიჯანს იმ მნიშვნელოვანი ჰუმანიტარული დახმარებისთვის, რომელიც მან უკრაინას გაუწია, განსაკუთრებით ზამთრის პირობებში,  ენერგეტიკის სექტორში მხარდაჭერისთვის.

სატელეფონო საუბრის დროს, ალიევმა და ზელენსკიმ ორი ქვეყნის სუვერენიტეტისა და ტერიტორიული მთლიანობის მხარდაჭერის ხაზგასმით გაცვალეს მოსაზრებები რეგიონულ უსაფრთხოებაზე, არსებულ საფრთხეებზე და სამომავლო თანამშრომლობის ფორმატებზე.