რა საკითხები განიხილეს პრეზიდენტმა ერდოღანმა და პრემიერ-მინისტრმა მიცოტაკისმა?

საბერძნეთის პრემიერ-მინისტრმა კირიაკოს მიცოტაკისმა განაცხადა, რომ სტამბოლში პრეზიდენტ რეჯეფ თაიფ ერდოღანთან შეხვედრისას საფუძველი ჩაეყარა ორმხრივი ურთიერთობების გაუმჯობესებას.

საბერძნეთის პრემიერ-მინისტრის ოფისიდან გავრცელებული ინფორმაციის თანახმად, კირიაკოს მიცოტაკისმა სტამბოლში ვიზიტის დროს, ფენერის ბერძენმა პატრიარქთან (მსოფლიო პატრიარქი) ბართლომეოს პირველთან შეხვედრის დროს, პრეზიდენტ რეჯეფ თაიფ ერდოღანთან შეხვედრის შესახება ისაუბრა და აღნიშნა, რომ მათ შეხვედრამ დადებით ატმოსფეროში ჩაიარა.

„როგორც ნატოს ორი მოკავშირე და მეზობელი, ჩვენ იმდენი საერთო პრობლემის წინაშე ვდგავართ, რომ უფრო მნიშვნელოვანია ფოკუსირება იმ პრობლემებზე გავაკეთოთ, რომლებიც გვაერთიანებს და არა იმათზე, რომლებიც გვაშორებს. შეხვედრაზე აქცენტი გაკეთდა პოზიტიური დღის წესრიგის შექმნაზე ბევრ საკითხში, განსაკუთრებით ეკონომიკაში. ვფიქრობ, ჩვენ შეგვიძლია მივაღწიოთ მნიშვნელოვან პროგრესს უახლოეს თვეებში. თუ ყველაფერი კარგად წავა, ვიმედოვნებთ, რომ შემოდგომაზე საბერძნეთში ორ ქვეყანას შორის მაღალი დონის თანამშრომლობის საბჭოს გავმართავთ. მე მჯერა, რომ ჩვენ ჩავუყარეთ საფუძველი ჩვენი ორმხრივი ურთიერთობებისა და თანამშრომლობის გაუმჯობესებას, განსაკუთრებით იმ ძირითად პრობლემებთან დაკავშირებით, რომელთა წინაშეც ახლა ვდგავართ. პრეზიდენტ რეჯეფ თაიფ ერდოღანთან შეხვედრაზე ამ და სხვა მრავალ საკითხთან მიმართებაში ძალიან ღია და გულწრფელი შეხვედრა გვქონდა“, განაცხადა კირიაკოს მიცოტაკისმა, ბართლომეოს პირველთან შეხვედრის დროს, ნათქვამია საბერძნეთის პრემიერ-მინისტრის ოფისიდან გავრცელებულ განცხადებაში.