აშშ-მა სირიაში, ირანის მიერ მხარდაჭერილ დაჯგუფებებზე  ავიაიერიში მიიტანა

ამერიკის შეერთებულმა შტატებმა, სირიაში ირანის მიერ მხარდაჭერილ დაჯგუფებებზე საჰაერო იერიში მიიტანა. საკითხთან დაკავშირებით, აშშ-ს თავდაცვის დეპარტამენტის (პენტაგონი) პრესსსპიკერმა ჯონ კირბიმ განაცხადა: „პრეზიდენტ ჯო ბაიდენის მითითებით, აშშ-ის სამხედრო ძალებმა განახორციელეს საჰაერო თავდასხმები ინფრასტრუქტურის წინააღმდეგ, რომელსაც იყენებენ ირანის მიერ მხარდაჭერილი მებრძოლთა დაჯგუფებები სირიის აღმოსავლეთ ნაწილში.“

ამავე განცხადებაში აღნიშნულია, რომ ამერიკა რეგიონში ტერორისტული ორგანიზაცია, დაეში-ს წინააღმდეგ შექმნილი კოალიციის ქვეყნებთან კონსულტაციებით იმოქმედებს.