ბაღდადში,  ე.წ. „მწვანე ზონის“  ტერიტორიაზე მორიგი თავდასხმა განხორციელდა

ერაყის დედაქალაქ ბაღდადში, ე.წ. „მწვანე ზონის“  ტერიტორიაზე, სადაც  სხვადასხვა სამთავრობო შენობები, ამერიკის შეერთებული შტატების და სხვადასხვა ქვეყნების დიპლომატიური კორპუსის მისიებია განთავსებული, მორიგი სარაკეტო თავდასხმა განხორციელდა.  ერაყის მთავრობის უსაფრთხოების მედია ქსელიდან გავრცელებული წერილობითი განცხადების მიხედვით, ე.წ. მწვანე ზონაში  „კატიუშა“-ს ტიპის რაკეტა  ჩამოვარდა.  განცხადებაში დაშავებულების და დაღუპულების შესახებ სხვა არანაირი ინფორმაცია არ ვრცელდება. მსგავსი სარაკეტო თავდასხმები აღნიშნულ რეგიონში, ამერიკის საელჩოს მახლობლად ადრეც განხორციელდა.