ავღანეთში ტერაქტის შედეგად 10 სამხედრო დაიღუპა

ავღანეთის პროვინცია ჰოსტში პირველი ბრიგადის სარდლობაში მდებარე მეჩეთში პარასკევის ლოცვის დროს თვითმკვლელი ტერორისტის მიერ მოწყობილი ტერაქტის შედეგად 10 სამხედრო დაიღუპა.

ჰოსტის გუბერნატორის პრესსპიკერის, თალებ მანგალის განცხადებით, მეჩეთში პარასკევის ლოცვის დროს თავდამსხმელმა თავი აიფეთქა.

თავდასხმის შედეგად 10 სამხედო დაიღუპა და 15 კი დაიჭრა. დაჭრილებიდან ზოგიერთის მდგომარეობა მძიმეა. ტერაქტზე კი პასუხისმგებლობა ჯერ-ჯერობით არავის აუღია.