ქაბულში ტერაქტს 4 ადამიანი ემსხვერპლა

ავღანეთის დედაქალაქ ქაბულში თვითმკლელი ტერორისტის მიერ განხორციელებულ ტერაქტს პირველადი მონაცემებით 4 ადამიანი ემსხვერპლა.

ტერორისტმა თავი პულ მაჰმუდ ხანის რეგიონში უსაფრთხოების ძალების ავტომანქანასთან აიფეთქა.

თვითმხილველები კი აცხადებენ, რომ მანქანაში დამონტაჟებული ბომბი დისტანციური მართვის პულტით იქნა აფეთქებული.

ტერაქტზე პასუხიმგებლობა ჯერ-ჯერობით არავის აუღია.